Hasani: Hujambo bi Pili?

Pili: Sijambo, habari za leo?

Hasani: Nzuri tu, nyumbani hawajambo?

Pili: Wote wazima. Leo wewe unataka kununua samaki gani?

Hasani: Mimi leo ninataka kununua changu na nguru. Pia ninataka nyama za pwani. Ninataka kamba na kombe. Wewe utanunua papa na pweza?

Pili: Hapana, mimi sitanunua papa na pweza. Watoto wangu hawapendi pweza na mume wangu hapendi papa. Ninataka changu.

Hasani: Haya twende ili tuwahi mnada.

Pili: Sawa, pia tuwahi kupata vijana wa kupaa na kusafisha samaki.