Josefu ni mkazi wa Mwanza. Yeye anatembelea mkoa wa Dar-es-Salaam. Chuo Kikuu Cha Dar-es-Salaam kipo katika mkoa wa Dar-es-Salaam. Mwenyeji wake anamweleza shughuli mbalimbali za chuo.

Mwenyeji: Karibu bwana Josefu, habari za leo?

Josefu: Nzuri tu. Nimekuja kutembelea chuo chenu.

Mwenyeji: Karibu bwana. Chuo chetu ni kikubwa, kina majengo mengi. Kina ofisi za walimu, ofisi za idara mbalimbali, mabweni ya wanafunzi, madarasa, na ukumbi wa mikutano.

Josefu: Asante bwana. Hapa chuoni, lugha ya kufundishia ni lugha gani?

Mwenyeji: Ni Kiingereza, isipokuwa madarasa ya Kiswahili, wanatumia Kiswahili.

Josefu: Sawa kabisa. Je na madarasa yanafundishwaje?

Mwenyeji: Ni mchanganyiko wa mhadhara na majadiliano. Mwalimu anafundisha kwa kuwauliza wanafunzi maswali. Kwa hiyo wanafunzi wanachangia mawazo yao.

Josefu: Hapa chuoni mnatoa shahada katika nyanja gani?

Mwenyeji: Hapa tunatoa shahada katika nyanja mbalimbali kama elimu, biashara, uhandisi. Pia tunatoa masomo katika shahada ya kwanza, shahada ya pili na shahada ya tatu.

Josefu: Asante sana kwa msaada wako. Kwaheri.

Mwenyeji: Karibu tena.