Wanafunzi ambao wanamaliza shule za upili, yaani shule za sekondari wanaweza kwenda kusoma katika shule za serikali za ufundi. Sasa tutatembelea shule ya sekondari ya ufundi huko kisiwani Unguja. Wanafunzi katika shule hizi hufundishwa ufundi wa chuma, uchongaji, uhandisi umeme na uhandisi chuma. Baada ya kumaliza masomo yao, wanaweza kuajiriwa na serikali kufanya kazi katika mabohari ya serikali, au kampuni za watu binafsi. Wengine wanaanzisha miradi yao binafsi. Kwa mfano, vijana hawa katika mitaa ya Unguja. Hawa vijana wa Unguja wanatengeneza fanicha za nyumbani kama vile vitanda, meza na viti. Pia wanachonga milango na madirisha ya nakshi, na pia mitumbwi. Vijana wa Morogoro wanatengeneza vifaa vya bati kama vile ndoo za maji, ndoo za kumwagilia mimea maji katika bustani, vibatari, taa na vyombo vya kulishia kuku.