Ingawaje picha hizi ni za sala ya Jumapili, hii si Jumapili ya kawaida. Ni jumapili maalum. Ni siku ya Kipaimara. Siku ya Kipaimara ni siku ambayo watoto wenye umri wa miaka kumi na zaidi wanapokelewa rasmi katika kanisa kama wakristu kamili. Siku hiyo askofu ambaye ni mkuu wa kanisa, anafika na kuendesha sala. Huyu ni askofu na wasaidizi katika sherehe hii ya Kipaimara. Kwa sababu ni sherehe maalum, washiriki wamevalia mavazi rasmi sana. Kwa sababu ni sherehe ya Kipaimara washiriki wanaingia kanisani katika mistari na kukaa katika sehemu maalum.

Kwaya ya kanisa imejiandaa. Nyimbo zao ni maalum kwa sherehe ya leo. Sasa askofu anawapa watoto washiriki sakramenti ya Kipaimara. Kila mshiriki anaongozwa na mdhamini wake. Kwa mfano huyu ni mshiriki. Huyu ni mdhamini wake. Sasa washiriki wanachukua zawadi zao na kuzipeleka mbele ya Askofu ambaye atazipokea kwa niaba ya kanisa.