Sasa tutamtembelea mganga mwingine. Jina lake ni mganga Magwaya. Matibabu yake ni tofauti na mganga Hamisi wa Kilingemoto. Mganga Magwaya anatumia imani za miungu pamoja na dawa nyingine za jadi ili kutibu wagonjwa wake. Mganga Hamisi anatumia miti shamba tu. Karibuni nyumbani kwa mganga Magwaya. Katika mazungumzo ni profesa Mshiu wa taasisi ya madawa ya asili, chuo kikuu cha Dar-es-salaam.

Profesa: Babu tunapenda kufahamu jina lako ni nani?

Mganga: Jina langu ninaitwa Mkwayu, mganga wa kienyeji. Ni mganga wa jadi. Kwanza uzazi, pili mbavu, kifua, mtu anayetapika damu, au kuvimba. Kwa hivyo ndivyo vigonjwa ninavyotumikia na maradhi ya kichaa, yaani mawewe hayo.

Profesa: Mawewe?

Mganga: Eeeh, kichaa, hayo ni mawewe. Hayo ndio wagonjwa ninaohudumia kwa masaa yote.